ანჯელინა ჯოლი სულ უფრო და უფრო აქტიურად უბრუნდება სამსახიობო კარიერას. ამჯერად ის დევიდ ოიელოუოსთან ერთად ახალ ფანტასტიკურ დრამაში, Come Away, მიიღებს მონაწილეობას.

ფილმის სცენარის ავტორი და რეჟისორი პიქსარის პოპულარული ანიმაციის, Brave-ის ერთ-ერთი შემქმნელი ბრენდა ჩეპმანი იქნება.

კინოსურათის სიუჟეტი ორი მშობლის შესახებ მოგვითხრობს, რომელთაც სამი შვილიდანაც ერთი ტრაგიკულად ეღუპებათ. სხვა შვილები ცდილობენ, დედ-მამას ცხოვრების აზრი დაუბრუნონ და ამისთვის ზღაპრულ სამყაროს ქმნიან. ბავშვები პიტერ პენისა და ელისის ზღაპრულ სამყაროში მოგზაურობენ და ბავშვობის დაბრუნებაზე ოცნებობენ, საბოლოოდ კი ზღვარი რეალურსა და არარეალურს შორის იშლება.

ფილმის გადაღებები დიდ ბრიტანეთსა და ლოს-ანჯელესში მიმდინარეობს.