თაბუკაშვილის ქუჩის #42-ში მდებარე საცხოვრებელ სახლში, მხატვრობის ადრეული კომპოზიცია და ფერწერული ფენები აღმოაჩინეს. ამის შესახებ თბილისის მერია ავრცელებს განცხადებას.

შენობა 1889 წელსაა აგებული და მე-19 საუკუნის კულტურული მემკვიდრეობის ძეგლს წარმოადგენს. თბილისის მერიის ცნობით, ფერწერული კომპოზიცია, რაზეც წინასწარი დათვალიერებით, წელიწადის დროებია გამოსახული, იმდროინდელი თბილისური სადარბაზოებისთვის დამახასიათებელი მხატვრობის უნიკალური ნიმუშია.

ამჟამად, სადარბაზოში სარესტავრაციო სამუშაოები მიმდინარეობს. თბილისის მერიის განცხადებით, მხატვრობასთან ერთად, ასევე, პირვანდელი სახით აღდგება კარები, მოზაიკური იატაკი და ლითონის მოაჯირები.