ანჯელინა ჯოლისთან დაშორების შემდეგ, ბრედ პიტს უამრავ ქალთან ურთიერთობა მიაწერეს, თუმცა ბოლო პერიოდში საუბრის მთავარი თემა მასაჩუსეტსის უნივერსიტეტის პროფესორი, ნერი ოქსმენი იყო.

პაპარაცებმა ცნობილი არქიტექტორი და მსახიობი რამდენიმე ფოტოზე დააფიქსირეს და როგორც მოსალოდნელი იყო მაშინვე გაჩნდა ეჭვი მათი ურთიერთობის შესახებ.

ოქსმანმა ამ თემაზე პირველი კომენტარი გააკეთა და თქვა, რომ ბრედ პიტთან რომანი არასოდეს ჰქონია.

ნერი ამბობს, რომ ის მართლაც შეხვდა ბრედ პიტს, თუმცა საუბარი მხოლოდ მათ საერთო პროექტებს ეხებოდა.

გარდა ამისა, ოქსმანმა აღიარა, რომ ბრედ პიტთან მისი რომანის ამბებს სათავისოდ იყენებდა და პაპარაცებსაც ტროლავდა.

მისი თქმით, რადგან იცოდა რომ ქუჩაში უამრავი პაპარაცი ელოდა, რომლებიც მის ფოტოებზე ნადირობდნენ, გადაწყვიტა მათ წინაშე ფიზიკის წიგნებით ხელში გასულიყო და ამით სხვა ადამიანების ინტერესიც გაეზარდა ამა თუ იმ ავტორის მიმართ.