1922 წლის გამოშვება Vauxhal, 1927 წლის გამოშვება MERCEDES BENZ ROADSTER, ამავე წლის გამოშვება BENTLEY და კიდევ 26 უნიკალური ავტომობილით ამბროლაურის აეროპორტში რალი გაიმართა. თუმცა ამბავს უნიკალურობას ის ფაქტი სძენს, რომ მრბოლელები ერთმანეთს თვალახვეული უკუსვლით მანევრირებაში შეეჯიბრნენ.

წესების მიხედვით თვალახვეულ მძღოლებს ბარიერისთვის უკუსვლით უნდა შემოევლოთ და გადაეკვეთათ ფინიშის ხაზი, მიმართულებას კი მათ ე.წ. შტურმანი კარნახობდა. შეჯიბრში მონაწილეობას როგორც მამაკაცი, ასევე ქალი მძღოლებიც იღებდნენ.

რალიში მონაწილე 29 ავტომობილი მეორე მსოფლიო ომამდელი წარმოებისაა. ყველაზე ძველი 1922 წლით თარიღდება, ხოლო ყველაზე "ახალგაზრდა" 1951 წლის გამოშვება იაგუარია.

ფოტო: საქართველოს აეროპორტების გაერთიანება

რალის მონაწილეები ამბროლაურის შემდეგ, ხვალ მესტიის აეროპორტში გადაინაცვლებენ. სტარტი კი მათ პირველ ოქტომბერს, თბილისში, თავისუფლების მოედნიდან აიღეს და 14 ოქტომბერს შატო მუხრანში დაასრულებენ. ჯამში საქართველოს თითოეულ კუთხეს მოივლიან და 2250 კილომეტრს დაფარავენ.