მეგ რაიანი NBC-ის სერიალში, The Obsolescents, მთავარ როლს შეასრულებს. გარდა ამისა ის შოუს პროდიუსერიც იქნება.

სერიალის სიუჟეტი ნიუ-ჯერსის ერთ-ერთ გარეუბანში ვითარდება, სადაც წყნარი და ადამიანური ურთიერთობები მას შემდეგ ნადგურდება, რაც ქალაქის საბჭოს წევრი უეცრად იღუპება.

ამ შოუს გარდა მეგ რაიანს კიდევ ერთი სერიალი, Picture Paris, აქვს გეგმაში, რომლის სიუჟეტიც 2011 წელს გადაღებულ მოკლემეტრაჟიან ფილმს ეფუძნება. ისტორიის ეპიცენტრში კი გარეუბანში მცხოვრები დედაა, რომელიც ქმართან ერთად პარიზში მოგზაურობას მას შემდეგ გადაწყვეტს, როცა შვილი სახლიდან წასვლას და დამოუკიდებლად ცხოვრებას დაიწყებს.

მეგ რაიანს კარიერაში ხანგრძლივი პაუზა ჰქონდა აღებული, მას 10 წელზე მეტია მთავარი როლი არ შეუსრულებია ფილმებში, ხოლო ტელევიზიაში ეს 13 წლის შემდეგ პირველი მთავარი როლი იქნება.