ცნობილი მომღერალი და კომპოზიტორი შარლ აზნავური 94 წლის ასაკში გარდაიცვალა. ინფორმაციას BBC ავრცელებს.

აზნავურის მუსიკალური კარიერა 80 წელზე დიდხანს გრძელდებოდა. საფრანგეთში მცხოვრებმა და სომეხი წარმოშობის შემსრულებელმა 180 მილიონზე მეტი მუსიკალური ჩანაწერი გაყიდა, მისმა კომპოზიციებმა კი 60-ზე მეტ ფილმში გაიჟღერა.

აზნავურმა პოპულარობა 1974 წლის ჰიტით She მოიპოვა.

შარლ აზნავურს ჰოლივუდის დიდების ხეივანში ვარსკვლავი 2017 წელს გაუხსნეს.

რაც შეეხება მუსიკოსის პირად ცხოვრებას, ის სამჯერ იყო დაქორწინებული და ექვსი შვილი ჰყავდა. 1998 წელს ის CNN-მა საუკუნის ხელოვნად დაასახელა.