ლედი გაგა სულ უფრო და უფრო უახლოვდება დოლბის თეატრის სცენაზე ასვლას და მსახიობების საოცნებო პრიზის - ოსკარის მიღებას.

ბრედლი კუპერის ფილმი, A Star is Born, გაგას სამსახიობო კარიერის ახალ ტრამპლინად შეიძლება იქცეს.

ახლახანს გაგამ ფილმიდან პირველი კლიპი გამოაქვეყნა და როგორც მოსალოდნელი იყო, მალევე გახდა დღის მთავარი თემა.

ფილმის პრემიერა ცოტა ხნის წინ ვენეციის კინოფესტივალზე შედგა და ჩვენების დასრულების შემდეგ მსახიობებმა მაყურებლისგან 8 წუთიანი, უწყვეტი აპლოდისმენტები დაიმსახურეს.

ტორონტოს საერთაშორისო კინოფესტივალზე კი გაგას სახით ნამდვილი კინო ვარსკვლავი დაიბადა. ლედი გაგასა და ბრედლი კუპერის ფილმმა კრიტიკოსების უმაღლესი შეფასება და მაყურებლის ოვაციები დამსახურა.