ბარბრა სტრეიზანდი 2 ნოემბერს ახალ ალბომს, Walls-ს გამოუშვებს. ალბომიდან პირველი სინგლი Don't Lie To Me მომღერალმა დღეს გამოუშვა.

სიმღერა დონალდ ტრამპის მიმართ არსებულ პროტესტს ეძღვნება. როგორც მუსიკოსმა Billboard-ს უთხრა, ის თავს ვალდებულად გრძნობდა, რომ ეს სიმღერა დაეწერა:

"ამ პერიოდმა მე ენერგია შემმატა, რადგან მომავლის იმედი მაქვს. ჩვენ უნდა გავიზარდოთ, როგორც ერი. ეს ჩემი პროტესტია ჩვენი ისტორიის იმ პერიოდის მიმართ, რომელიც ვერ ვიწინასწარმეტყველეთ".

"პრეზიდენტად გვყავს მატყუარა და შემვიწროებელი. მასზე ბევრი სტატია დამიწერია. ამ ადამიანს არ გააჩნია მანერები, ლანძღავს ყველას და დასცინის შეზღუდული შესაძლებლობის მქონე პირებს. რა უნდა ვთქვა? ამაზე Huffington Post-ში თითქმის 15-ჯერ დავწერე", - დასძენს ბარბრა.

ბოლო 13 წლის განმავლობაში ბარბრას თავისი საავტორო სიმღერა და ახალი ალბომი არ გამოუშვია.