რა უნდათ პატარებს? - ეს ზოგადსაკაცობრიო კითხვა ხშირად რთულ პასუხებს მოითხოვს, თუმცა საბოლოო ჯამში ბავშვებს გართობა და შემეცნება სურთ. საყოველთაოდ აღიარებული ფაქტია, რომ ბავშვები ცნობისმოყვარეობითა და სილაღით გამოირჩევიან, რის გამოც ისინი ხშირად ყველაფრის მიმართ უდიდეს ინტერესს გამოხატავენ. ამ და კიდევ არაერთი მნიშვნელოვანი მიზეზის გამო, აუცილებელია, რომ ბავშვებისთვის არსებობდეს ისეთი სივრცეები, სადაც საკუთარი ინტერესებისა და აღმოჩენების რეალიზებას სრულად შეძლებენ. ამისთვის კი, იდეალური შესაძლებლობაა თბილისის საბავშვო ფესტივალი, რომელიც პირველად 29 სექტემბერს, მთაწმინდის პარკში ჩატარდება.

თბილისის საბავშვო ფესტივალი 2018 - რატომ უნდა წავიყვანოთ ბავშვები მთაწმინდის პარკში?

თბილისის საბავშვო ფესტივალი საქართველოში პირველად ტარდება და მას ყოველწლიური ხასიათი ექნება. ფესტივალზე წარმოდგენილი იქნება ყველაფერი, რაც ეხებათ ბავშვებს და აინტერესებთ მათ. საფესტივალო ტერიტორიაზე მოეწყობა საერთო სივრცე, სადაც წარმოდგენილი იქნება ყველა დაწესებულება და კომპანია. ფესტივალის განმავლობაში მონაწილეებს საშუალება ექნებათ ბავშვებსა და მშობლებს გააცნონ საკუთარი საქმიანობის, პროდუქტისა და მომსახურების შესახებ.

წარმოიდგინეთ სივრცე, სადაც განათლების, სპორტის, გართობის, ჯანმრთელობისა და სათამაშოების მწარმოებელი კომპანიები ერთად არიან შეკრებილნი. თქვენ შეგიძლიათ თქვენი შვილის მომავალი სწორედ აქ, მთაწმინდის პარკში დაგეგმოთ. ფესტივალზე მისულს, საშუალება გექნებათ გაეცნოთ საგანმანათლებლო დაწესებულებებს (სკოლებს, ბაღებს, სახელოვნებო სტუდიებს), შემდეგ გადაინაცვლოთ სხვა დახლთან და საკუთარ შვილს მისთვის მოსაწონი სპორტული აქტივობა და შესაბამისი სპორტული სკოლა თუ დაწესებულება შეურჩიოთ. როცა ბავშვის განათლებასა და სპორტულ ცხოვრებაზე იზრუნებთ, შეგიძლიათ მისთვის გართობის საშუალებებიც შეარჩიოთ, როგორიცაა ატრაქციონები, დაბადების დღის ცენტრები და სხვ.

საბოლოო ჯამში, თქვენც და თქვენი შვილიც კმაყოფილები დარჩებით. გარდა ამისა, მთაწმინდის პარკში საშუალება გექნებათ თქვენი შვილი გასართობ აქტივობებში ჩართოთ, რომელიც ადგილზე ჩატარდება. ფესტივალის დღეს გაიმართება კონცერტები, შიდა ტურნირები, გასართობი თამაშები, გამოფენა-გაყიდვა და სხვ. თუკი თქვენს პატარას სურვილი ექნება, შეგეძლებათ პროფესიონალ არტისტებთან მიიყვანოთ და სახე ლამაზად მოუხატოთ. ერთი სიტყვით, 29 სექტემბერს დიდი ზეიმი გელით თქვენს და თქვენს შვილს.

აღსანიშნავია ისიც, რომ მხოლოდ ფესტივალის დღეს, მშობლები მონაწილე კომპანიებისგან განსაკუთრებულ შემოთავაზებებს განსაკუთრებულ ფასად მიიღებენ.

კონკურსი

ფესტივალის დასასრულს ორგანიზატორები დააანონსებენ სპეციალურ კონკურს, რომელიც გამოავლენს 3 ნიჭიერ ბავშვს შემდეგი მიმართულებით:

• ხელოვნება
• სპორტი
• საბუნებისმეტყველო მეცნიერებები

კონკურსი სამი თვის განმავლობაში გაგრძელდება და გამარჯვებულები დეკემბერში გამოვლინდებიან. მონაწილეობის მისაღებად, მითითებულ ვადებში კონკურსანტებმა უნდა გამოაგზავნონ საჭირო დოკუმენტები და სამოტივაციო ვიდეო. გამარჯვებულებს ფესტივალის საპატიო ამბასადორის სტატუსი მიენიჭებათ, თუმცა ეს არ არის მთავარი პრიზი. 3 გამორჩეული მონაწილე მიიღებს ერთ წლიან დაფინანსებას იმ მიმართულებით, რომელი კატეგორიის გამარჯვებულიც გახდება.

თიბისის ზონა და განახლებული მოსწავლის ბარათი

თბილისის საბავშვო ფესტივალის წარმდგენი თიბისია, რომელსაც საკუთარი სივრცე ექნება ფესტივალის ტერიტორიაზე. თიბისი ამ დღესასწაულს განსაკუთრებული განწყობითა და საჩუქრებით ხვდება. გარდა იმისა, რომ ბავშვები კომპანიის მიერ დაგეგმილი გასართობი ღონისძიების მონაწილეები გახდებიან, მშობლებსაც ბევრი საინტერესო აღმოჩენა გელით.

რაც მთავარია, თიბისი თავის ზონაში სრულიად ახალი, ძალიან ლამაზი დიზაინის მოსწავლის ბარათების უფასოდ დარიგებას აპირებს. იკითხავთ ალბათ, რითია საინტერესო ახალი მოსწავლის ბარათებიო? - ბარათი განსაკუთრებულია იმით, რომ მას აქვს სპეციალური შეთავაზებები, რაც გულისხმობს უამრავ ფასდაკლებას ბავშვების საყვარელ ადგილებში, როგორიცაა კინო და სხვა გასართობი ადგილები.

მშობლებს შეგიძლიათ ძალიან მარტივად, ინტერნეტ ბანკის გამოყენებით გადაურიცხოთ ბავშვებს სასურველი თანხა თვეში ერთხელ. ამასთან, თქვენ გაქვთ შესაძლებლობა აკონტროლოთ როგორ ხარჯავს თქვენი შვილი ფულს და დაუწესოთ დღიური ლიმიტი, რათა მითითებულზე მეტი ვერ დახარჯოს.

ამ ბარათის მისაღებად, მხოლოდ და მხოლოდ თქვენი, ანუ მშობლის პირადობა და ბავშვის დაბადების მოწმობაა საჭირო.

ფესტივალის მიზანია საბავშვო სფეროში მოღვაწე ყველა კომპანიამ ერთ სივრცეში მოიყაროს თავი, რათა ეს ინდუსტრია უფრო მეტად განვითარდეს. ეს წამოწყება დაეხმარება მშობლებს, რომ მათი შვილების განვითარებისთვის სწორი არჩევანი გააკეთონ, მიიღონ საჭირო ინფორმაცია და ხელი შეუწყონ ბავშვის ბედნიერ მომავალს. ყველაფერთან ერთად კი, ფესტივალი დაეხმარება ადგილობრივ ბაზარზე არსებულ ყველა მწარმოებელს, ცენტრსა და სასწავლო დაწესებულებას ზრდასა და განვითარებაში.