ამ სრულიად ნორმალურ ქცევას მილიონობით ადამიანი დღეში რამდენჯერმე აკეთებს, მაგრამ როდესაც სამშაბათს, 25 სექტემბერს სასექსის ჰერცოგინიამ მანქანის კარი თავად დახურა, ინტერნეტს სალაპარაკო თემა მიეცა.

ხელოვნების სამეფო აკადემიაში მისვლისას, მეგანს მანქანის კარი სამეფო ოჯახისთვის მომუშავე პირმა გაუღო, თუმცა გადმოსვლის შემდეგ, ის ღია დარჩა.

... და პრინცი ჰარის ცოლმა ის თავად დახურა.

ეს შემაშფოთებელი მოვლენა შეგიძლიათ ვიდეოშიც კი ნახოთ, რომელიც ტვიტერზე Associated Press-მა გამოაქვეყნა.

მაშინ, როცა მომხმარებლების ნაწილი მას "ადამიანურს", "უბრალოსა" და "გულწრფელს" უწოდებდნენ, სხვები ხუმრობდნენ, რომ მეგანს ამისთვის ვინმე უნდა ჰყოლოდა.

თუმცა, ნამდვილად ვერ იტყვით, რომ მეგანმა სამეფო ოჯახში თავისი როლი ვერ მოიგო. ეტიკეტის დაცვის ექსპერტის, უილიამ ჰანსონის სიტყვებით, მეგანს პროტოკოლი არ დაურღვევია.

"ზოგადად, თუ სამეფო ოჯახის წევრი ხარ, ყოველთვის გყავს ვინმე, ვინც კარებს შენთვის დახურავს", - დასძინა მან.

როგორც აღმოჩნდა, იმ პირმა, ვინც მეგანს მანქანის კარი გაუღო, უკან დაიხია, რომ მეგანი მასპინძელს შეხვედროდა და ხელი ჩამოერთმია. სწორედ ამ დროს დახურა მეგანმა მანქანის კარი.