უცნაური ამბების მსახიობი, მილი ბობი ბრაუნი და მომღერალი დრეიკი, ემის დაჯილდოებაზე მიცემული ინტერვიუს გამო, არც თუ სასიამოვნო ყურადღების ქვეშ მოექცნენ.

14 წლის მსახიობმა, დრეიკთან მეგობრობის შესახებ ისაუბრა და თქვა, რომ დრეიკი მას ბიჭებთან დაკავშირებით არაჩვეულებრივ რჩევებს აძლევს.

ბრაუნის ამ კომენტარმა სოციალურ ქსელებში დიდი ვნებათაღელვა გამოიწვია. ტვიტერის მომხმარებლები 31 წლის რეპერის მხრიდან, მეგობრისთვის ბიჭებზე რჩევების მიცემამ გააღიზიანა და წერენ, რომ ეს არასწორი საქციელია, რადგან მილი მხოლოდ 14 წლის არის.

ატეხილ აჟიოტაჟს მალევე გამოეხმაურა მსახიობიც და თქვა, რომ ხალხის რეაქციის არ ესმის.

მილიმ გაკეთებულ განცხადებაში აღნიშნა, რომ ბედნიერია ისეთი მეგობრის ყოლით, როგორიც დრეიკია და არავის აქვს უფლება გადაუწყვიტოს, ვის ემეგობროს და ვის არა.

"დროა დაუბრუნდეთ რეალურ პრობლემებს, რომელიც იმაზე მნიშვნელოვანია ვიდრე ჩემი და დრეიკის მეგობრობა", - წერს მსახიობი.