წლევანდელი ემის ტრიუმფატორმა, სამეფო კარის თამაშების მსახიობმა, პიტერ დინკლიჯმა ჯიმი კიმელის შოუში სერიალთან დაკავშირებით ერთი ძალიან სახალისო ისტორია გაიხსენა.

როგორც აღმოჩნდა, ის გადასაღებ მოედანზე მსახიობების, პროდიუსერებისა და სერიალზე მომუშავე გუნდის შეშინებით ხშირად ერთობოდა. ამისთვის კი ერთი ძალიან კარგი ოინიც ჰქონდა მოფიქრებული - თავს მკვდრად ასაღებდა.

"ძალიან მიყვარს, როცა თავს მკვდრად ვასაღებ, ვფიქრობ ეს სასაცილოა, თუმცა ამისთვის კარგად უნდა მოემზადოთ", - ამბობს მსახიობი.