ჰოლივუდის ვარსკვლავი, ნიკოლ კიდმანი ჟურნალ marie claire-ს ოქტომბრის თვის მთავარი გმირია.

მსახიობმა მონაწილეობა მიიღო ახალ ფოტოსესიაში, რომელშიც ის უკვე შეჩვეული ქერა თმის ნაცვლად, წითური თმით პოზირებს.

ფოტო: Thomas Whiteside

ფოტოსესიასთან ერთად, მსახიობმა ჟურნალს ინტერვიუც მისცა, სადაც ის კარიერაზე, ქმართან ურთიერთობასა და თავის სექსუალურ მუხტზე საუბრობს.

კიდმანი ინტერვიუში აღნიშნავს, რომ HBO-ს სერიალში, დიდი პატარა ტყუილები, მონაწილეობა, მისთვის დიდი გამოწვევა და ამავდროულად დიდი პატივიც იყო.

მსახიობის პროფესიასთან დაკავშირებით კი ამბობს, რომ ეს პროფესია დიდი პრივილეგიაა, რადგან შეგიძლია ერთდროულად იცხოვრო შენი და ბევრი სხვა ადამიანის ცხოვრებით, რაც საშუალებას გაძლევს განიცადო ის ემოციები, რაც შეიძლება ცხოვრებაში ვერასდროს გაგეგო.

მსახიობი ასევე აღნიშნავს, რომ მას ძლიერი სექსუალური მუხტი აქვს.

"ძლიერი სექსუალური მუხტი მაქვს, ეს ჩემი ნაწილია, იმის თუ ვინ ვარ და რას ვაკეთებ", - ამბობს მსახიობი.