68 წლის ნენსი კრემპტონ ბროფი, რომელსაც ურთიერთობების შესახებ წიგნების სერია ეკუთვნის, გასულ კვირას ქმრის მკვლელობისთვის დააკავეს. 63 წლის დენიელ ბროფის მკვლელობაში, მის გარდა, ეჭვმიტანილები ფაქტობრივად არ არსებოდნენ. გარდა ამისა, გამომძიებლებს საქმე გაუადვილა იმ ფაქტმაც, რომ ნენსის ეკუთვნის 2011 წელს დაწერილი ბლოგპოსტი, სახელად "როგორ მოვკლათ ქმარი".

პოსტის შესავალში ვკითხულობთ: "როგორც რომანტიკოსი მწერალი, ბევრ დროს ვუთმობ მკვლელობასა და შემდგომ პროცედურებზე ფიქრს. ბოლოს და ბოლოს, მკვლელობას თავისუფლების შეგრძნება უნდა მოჰქონდეს, მე კი ციხეში დროის გატარება არ მსურს. გარდა ამისა, ნარინჯისფერი სულაც არ მიხდება. ბევრად მირჩევნია, ადამიანებს სიკვდილი ვუსურვო, ვიდრე რეალურად მოვკლა. არ მინდა სისხლზე და კედლებზე გასხმულ ტვინზე ვიდარდო. არც ტყუილების დამახსოვრება გამომდის, თუმცა მკვლელობაზე ერთი რამ ზუსტად ვიცი: ყველას გასჩენია ეს სურვილი, უბრალოდ ადამიანთა უმეტესობა ცდილობს, ამაზე არ იფიქროს"

3 ივნისს, მკვლელობიდან ერთი დღის შემდეგ ნენსიმ საკუთარ Facebook გვერდზე გამოაქვეყნა სტატუსი, რომელშიც ამბობდა, რომ არავისთან შეუძლია საუბარი შექმნილი სიტუაციის გამო. კომენტარებში მას მეგობრები ამხნევებდნენ და უსამძიმრებდნენ.