ძმები კოენები ორწლიანი პაუზის შემდეგ რეჟისორის სკამს დაუბრუნდნენ და ნეტფლიქსთან ერთად ვესტერნის ჟანრის ახალი ფილმი, The Ballad of Buster Scruggs, გადაიღეს.

ფილმში მთავარ როლებს ჯეიმს ფრანკო, ზოი კაზანი, სტეფან რუტი და სხვა მსახიობები ასრულებენ.

რვა წლის შემდეგ, ეს კოენებისთვის პირველი ფილმი იქნება ვესტერნის ჟანრში, შესაბამისად, მაყურებლისა თუ კრიტიკის მოლოდინი დიდია. განსაკუთრებით მას შემდეგ, რაც ფილმმა ვენეციის კინოფესტივალზე საუკეთსო სცენარისთვის პრიზი მიიღო.

მიღებული პრიზი არავის გაჰკვირვებია, რადგან კოენებმა ყოველთვის ზუსტად იციან, როგორ უნდა დაწერონ სცენარი ფილმისთვის.

რაც შეეხება ახალ ვესტერნს, სიუჟეტი ექვს სხვადასხვა ისტორიას მიჰყვება, რომლის მთავარი გმირიც ერთი პერსონაჟი, ბასტერია.

გამომდინარე იქიდან, რომ კოენების ახალი ფილმი ექვს სხვადასხვა ამბავს მოგვითხრობს, ნეტფლიქსზე ის ექვს სერიად გამოვა, კინოთეატრებში კი ერთ სრულ ფილმად გავა.