ჯულია რობერტსი რომ დიდი ტრიუმფით დაბრუნდა, ცოტა ხნის წინ უკვე გიამბეთ. მსახიობის ფილმმა და სერიალმა, ტორონტოს კინოფესტივალზე ნამდვილი ფურორი მოახდინა და კრიტიკოსებსა თუ კინომანებს კიდევ ერთხელ შეახსენა, თუ რა დიდებული მსაიხობია ის.

ამჯერად კი, არა ოსკაროსანი რობერტსის სამსახიობო ნიჭზე, არამედ მისი და ინსტაგრამის ერთ-ერთი მომხმარებლის ურთიერთობაზე გიამბობთ.

როგორც უკვე იცით, რამდენიმე თვის წინ ჯულია ინსტაგრამზე დარეგისტრირდა და აღმოჩნდა, რომ აქაურობას ალღოს ნელ-ნელა უღებს.

ამის ნათელი მაგალითი კი რამდენიმე დღის წინ მომხდარი ფაქტია, როდესაც ერთ-ერთმა ინსტაგრამ მომხმარებელმა ჯულიასა და ჯოან კროუფორდის ფოტო გვერდიგვერდ დადო და ხალხს ჰკითხა, რომელი უკეთ გამოიყურებოდა.

ჯულიას ერთ-ერთმა ფანმა დააკომენტარა, რომ მსახიობი საშინლად გამოიყურებოდა და მახინჯ მუქ ფრჩხილის ლაქს ატარებს.

ეს ერთი რიგითი კომენტარი დღეს უცხოურ ტაბლოიდებსა თუ ფანგვერდებზე დიდი განხილვის თემაა, ამის მიზეზი კი ჯულიას სახალისო პასუხი გახდა.

"ეს მუქი ლურჯი ფრჩხილის ლაქია, რომელიც აქცენტირებულია კრისტალებით. ამიტომ გთხოვ, თუ კომენტარის ჩასწორება მოგინდებათ, დაწეროთ, რომ ეს მახინჯი მუქი ფრჩხილის ლაქი კი არა, არამედ მახინჯი, მუქი ლურჯი ფრჩხილის ლაქია კრისტალის დეტალებით", - უპასუხა ჯულიამ.