გრეის ანატომიის ფანებს არასდროს დაავიწყდებათ ის საბედისწერო სერია, რომელსაც დერეკ შეფარდის პერსონაჟი ემსხვერპლა და ჩვენ, მაყურებლები ოცნების ექიმის გარეშე დაგვტოვა.

დერეკის გარდაცვალების შედეგად გრეის ანატომიამ, სერიალის ფანებმა და მერედით გრეიმ დავკარგეთ კარგი ექიმი, ერთგული ქმარი, მოსიყვარულე მამა და კიდევ ვინ მოსთვლის რამდენი ღირსების მქონე დიდებული ადამიანი.

შოუს შემქმნელების ასეთი გადაწყვეტილება (უფრო ზუსტად კი შონდა რაიმსის) მაყურებლებმა ძალიან ცუდად მიიღეს და დღემდე არ წყდება სერიალის მისამართით გამოთქმული საყვედურები.

პატრიკი გრეის ანატომიაში ბოლოს 2014 წელს გამოჩნდა და მხოლოდ ახლა, 4 წლის შემდეგ გააკეთა პირველი კომენტარი იმაზე, თუ რატომ გადაწყვიტა შოუს დატოვება.

"10 წელი დიდი დროა იმისთვის, რომ ერთ შოუში იყო, რთულია მიყვე ისტორიას, ინტრიგებს, განსაკუთრებით თუ წელიწადში 25 სერიის გადაღება გიწევს. ჩემთვის უკვე დრო იყო, რომ წავსულიყავი და ახალი გამოწვევები მიმეღო. რამდენიმე შემოთავაზება იყო სერიალში ისევ დავბრუნებულიყავი, თუმცა ეს ცოტა სასაცილოა იმ ყველაფრის შემდეგ, რაც მათ დერეკს გაუკეთეს, შოუში რაიმე სახით გამოვჩნდე", - ამბობს მსახიობი.

რაც შეეხება გრეის ანატომიას, შოუ მე-15 სეზონით 27 სექტემბერს დაბრუნდება.