ფილადელფიის ერთ-ერთი მუზეუმიდან ათასობით ცოცხალი მწერი და ქვეწარმავალი მოიპარეს, რომელთა რაოდენობაც ჯამში 7 000-ს აღწევს.

სათვალთვალო კამერებმა დააფიქსირა თუ როგორ ტოვებდა მუზეუმს რამდენიმე ადამიანი, რომლებმაც მუზეუმის მწერებისა და ქვეწარმავლების კოლექციის 90 პროცენტი შენობიდან პლასტმასის კონტეინერებით გაიტანეს.

ჯამში მუზეუმს 40 000 ამერიკული დოლარის ღირებულების ზარალი მიადგა, სავარაუდო ეჭვმიტანილები კი მუზეუმის ყოფილი თანამშრომლები არიან. მძარცველები სავარაუდოდ მოპარული ცხოველების გაყიდვას აპირებდნენ.

მწერების ნაწილი მუზეუმში უკვე დააბრუნეს, თუმცა უმეტესობა მათგანის ადგილმდებარეობა კვლავ უცნობია. მოპარულ ცხოველებს შორის მსოფლიოში ერთ-ერთი ყველაზე შხამიანი ობობაც არის.

მძარცველებმა ასევე მუზეუმის აღწერის ფურცლებიც მოიპარეს, რაც საქმეს უფრო ართულებს.

"მძარცველები ახალგაზრდები არიან, მათ არ იცოდნენ რას აკეთებდნენ. იმედი მაქვს, რომ აღნიშნული საქციელისთვის ისინი ძალიან არ დაისჯებიან. ახალგაზრდობაში შეცდომები ყველას მოსდის." - აცხადებს მუზეუმის მწერების განყოფილების ხელმზღვანელი ჯონ კემბრიჯი.