გახსოვთ სამეფო კარის თამაშების მეშვიდე სეზონის ერთ-ერთი ფინალური სცენა?

არა, ამას არ ვგულისხმობთ. ამ სცენამდე რაც ხდებოდა ის თუ გახსოვთ? სანამ სნოუ დრაკონების დედოფალს კარზე მიუკაკუნებდა.

თუ არ გახსოვთ შეგახსენებთ, რომ სწორედ ამ მომენტში ჩანს ტირიონ ლანისტერი, რომელიც დეინერისის მოსასვენებელ ოთახში შემავალ ჯონ სნოუს ეჭვის თვალით უყურებს და თითქოს რაღაც მზაკვრულსაც უმზადებს.

სწორედ ეს 2-3 წამიანი კადრი გახდა უამრავი თეორიის საწყისი, გამოითქვა უამრავი ვარაუდო და ეჭვი.

საბოლოოდ კი ყველაფერს ფარდა თავად ტირიონის როლის შემსრულებელმა, პიტერ დინკლიჯმა ახადა და ამ თემაზე პირველი კომენტარი გააკეთა.

"გეთანხმებით, ეს სცენა ძალიან დამაბნეველია. დანამდვილებით ვერავინ გეტყვით რას ფიქრობდა ტირიონი, ეს მისთვის როგორც პროფესიონალური ისევე პირადული თემაა. ვფიქრობ, ტირიონს დაენერის მიმართ გრნობები აქვს, მას უყვარს ის [დაენერისი] ან ფიქრობს რომ უყვარს. ეს სცენაც ერთგვარი ეჭვიანობის გამოვლინება იყო. მეტსაც გეტყვით, ტირიონს ჯონ სნოუც უყვარს და ორივე მათგანს ოჯახის წევრად მიიჩნევს. ჩემი პერსონაჟი ამ ოჯახებისგან მოწყვეტილ, მარტოსულ ადამიანს ერთგვარ იმედს აძლევს და ეხმარება. ტირიონისთვის უბრალოდ წარმოუდგენელია როგორ უნდა შეუთავსოს ამ ორმა ადამიანმა [სნოუ და დენი] პოლიტიკა მათ რომანტიკულ ურთიერთობას, ტირიონმა იცის, რომ ამ ორის ასეთი ქცევა ძალიან, ძალიან სახიფათოა", - ამბობს პიტერი.

მიუხედავად იმისა, რომ ტირიონმა ბევრი არაფერი თქვა, მისი ეს კომენტარი კიდევ უფრო დიდ მოლოდინს აჩენს მერვე სეზონთან დაკავშირებით და უამრავ თეორიასაც უნდა ველოდოთ.

ისიცი კი შესაძლებელია, რომ ფინალურ სეზონში სასიყვარულო სამკუთხედი ვიხილოთ.