ჯულია რობერტსი ზაფხულს განსაკუთრებული ჩახუტებით გამოემშვიდობა.

ჰოლივუდის ვარსკვლავმა ინსტაგრამზე ფოტო გამოაქვეყნა, სადაც ის თავის ქმარს, დენი მოდერს ეხუტება.

"ზაფხულო, დიდი მადლობა! შენ ჩვენ ბედნიერები და ძლიერები გაგვხადე და გულში ვიკრავდით მზით გაჟღენთილ ყველა სიხარულს", - წერს ფოტოს აღწერაში მსახიობი.

ჯულია რობერტსის მხრიდან, ასეთი პირადული ფოტოს გამოქვეყნებამ ამერიკულ მედიაში დიდი ყურადღება მიიქცია, რადგან როგორც წესი მსახიობი ძალიან იშვიათად საუბრობს მის პირად ურთიერთობასა და ოჯახზე.

მსახიობი და დენი მოდერი უკვე 16 წელია ერთად არიან. წყვილს სამი შვილი ჰენრი დენიელი, ჰეიზელ პატრისია და ფინიუს უოლტერი ჰყავს.