ისევე როგორც პატარა, ჭირვეულ და საყვარელ ბავშვებს, ძაღლებსაც ზუსტად ისე ესმით ყველაფერი, როგორც მათ აწყობთ. სხვანაირად ხომ მათ დიდ სიყვარულის უნარს, ჩვენდამი ერთგულებასა და უსაზღვრო საყვარლობას ახსნა არ ექნებოდა?!

გინდათ, რომ თქვენი ოთხფეხა მეგობრების უკეთ გესმოდეთ?! მაშინ ახლავე განაგრძეთ კითხვა და ნახეთ, თუ თავად რა ესმით, როდესაც მათ ვესაუბრებით.

1. ჩვენ ვამბობთ: წავედი სამსახურში

ფოტო: giphy

მათ ესმით: სამუდამოდ გტოვებ მეგობარო. ისიამოვნე შენი ცხოვრებით წყვდიადში, ერთფეროვნებასა და მარტოობაში

2. ჩვენ ვამბობთ: ჰეი, მოვედი

ფოტო: giphy

მათ ესმით: დავბრუნდი ხანგრძლივი ბრძოლიდან. მადლობა, რომ ამდენი ხანი ერთგულად მელოდებოდი. ამიერიდან მხოლოდ შენ გეკუთვნი

3. ჩვენ ვამბობთ: გავისეირნოთ?

ფოტო: giphy

მათ ესმით: მზად ხარ სამოგზაუროდ წავიდეთ და დაუვიწყარი თავგადასავალი მოვიწყოთ, უამრავი დაბრკოლება გადავლახოთ და გზად არაფერს შევუშინდეთ?

4. ჩვენ ვამბობთ: გშია?

ფოტო: giphy

მათ ესმით: გინდა სურსათის მთელი თვის მარაგი გაჭამო?

5. ჩვენ ვამბობთ: ნანიკოს კატა საყვარელია

ფოტო: giphy

მათ ესმით: თუ კრუტუნსა და თაგვების მოტანას არ ისწავლი, შენთან დამშვიდობება მომიწევს

6. ჩვენ ვამბობთ: ჰეი, მეგობარო, გინდა ჰამბურგერი გაგიყო?

ფოტო: giphy

მათ ესმით: ჰეი, მეგობარო, მოსაწევი არ გინდა?

7. ჩვენ ვამბობთ: მტვერსასრუტი უნდა ჩავრთო

ფოტო: giphy

მათ ესმით: ჩვენს სახლს მალე ძლევამოსილი ურჩხული ეწვევა, დროა დაიმალო

8. ჩვენ ვამბობთ: ჯოხი მომიტანე

ფოტო: giphy

მათ ესმით: ამ ჯოხზე მეტად ახლა არაფერი მჭირდება

9. ჩვენ ვამბობთ: ცუდი გოგო ხარ!

ფოტო: giphy

მათ ესმით: შენი დანახვა აღარ მინდა, ახლავე ჩაალაგე შენი ნივთები და მომშორდი!

10. ჩვენ ვამბობთ: მიყვარხარ!

ფოტო: giphy

მათ ესმით: უსიყვარულოდ
მზე არ სუფევს ცის კამარაზე,
სიო არ დაჰქრის, ტყე არ კრთება
სასიხარულოდ....
უსიყვარულოდ არ არსებობს
არც სილამაზე,
არც უკვდავება არ არსებობს
უსიყვარულოდ