Station 19 - ასე ჰქვია ABC-ის ახალ დრამას, რომელსაც ლეგენდარული სცენარისტი, პროდიუსერი და შონდალენდის დამაარსებელი შონდა რაიმსი მისი გუნდის სხვა წევრებთან სტეისი მაკკეისთან და ბეტსი ბეერსთან ერთად ქმნის.

სერიალის პირველი სეზონის პრემიერა 22 მარტს შედგება და ეთერში გასულმა ათივე ეპიზოდმა მაყურებლის დიდი მოწონება დაიმსახურა.

შოუ მეორე სეზონით 4 ოქტომბერს ბრუნდება და როგორც ცნობილი გახდა, ერთ-ერთ როლს დერმოტ მალრუნი ითამაშებს.

მეცხრამეტე სადგური გრეის ანატომიის სპინოფია. შოუს სიეტლში (ისევე როგორც გრეის) იღებენ და სიუჟეტი მეხანძრეების გარშემო ვითარდება.

შონდალენდის ახალ სერიალში მთავარ როლებს ჯეინ ლი ორტიზი, ჯეისონ ჯორჯი, გრეი დეიმონი, ალბერტო ფრეზა, დანიელა სავრე და მიგელ სანდოვალი ასრულებენ.

ცნობილია ისიც, რომ შოუ ისევე როგორც წინა სეზონში, ამ შემთხვევაშიც აუცილებლად გადაიკვეთება გრეის ანატომიასთან.

ამავე სერიალში მონაწილეობას იღებს ჯეისონ ჯორჯი, რომელიც გრეის ანატომიაში მირანდა ბეილის ქმრის როლს ასრულებს.