სერიალ Shameless-ის ვარსკვლავი, ემი რუსემი, რომელიც ფიონა გალაჰერის როლს ასრულებს, ამბობს, რომ პოპულარულ შოუს მეცხრე სეზონის შემდეგ დატოვებს.

ემიმ ინფორმაცია ამის შესახებ თავის ფეისბუქზე, საკმაოდ გრძელი და ემოციური პოსტით გაავრცელა:

"ძალიან რთულია სიტყვებს თავი მოუყარო, თუმცა ვცდი. სფერო, რომელშიც მე ვარ ერთი დიდი თავგადასავალია, სავსე მოგზაურობებითა და შანსით, რომ მოყვე ისტორია. ჩვეულებრივ, როდესაც მსახიობი ხარ, ყოველთვის გიწევს მოგზაურობა ახალ ადგილებში, იწყებ ახალ პროექტებს, ქმნი ახალ პერსონაჟებს, ამ ყველაფერს უწყობ ფეხს და უახლოვდები გადამღებ ჯგუფს, ერთად იცინით ხუმრობებზე და ისინი შენი მეგობრები ხდებიან.

ფიონასგან განსხვავებით, რეალურ ცხოვრებაში, ერთადერთი შვილი ვარ. არასდროს მყოლია დიდი ოჯახი და ამ ხმაურიანი გალაჰერების ოჯახის სიყვარული და მფარველობა სწორედ ის არის, რაზეც ყოველთვის ვოცნებობდი, ეს კი გადაღებეის შემდეგაც გრძელდებოდა. ბავშვები ჩვენს თვალწინ გაიზარდნენ ძლიერ, ნიჭიერ, დამოუკიდებელ ადამიანებად. მე ვასწავლე ემას ფეხების გაპარსვა, იქ ვიყავი, როდესაც ითანი ავტომობილის მართვას სწავლობდა. შანოლა, ჯერემი, ჯოანი და ბილი ჩემს ქორწილში ცეკვავდნენ.

ფიონას როლი ჩემთვის საჩუქარი იყო და ბოლო რვა წლის განმავლობაში ის ჩემი ცხოვრების საუკეთესო მოვლენა იყო.

ვიცი, რომ ახლა უჩემოდ გააგრძელებთ. გალაჰერებს ჯერ კიდევს ბევრი ამბავი აქვთ მოსაყოლი

ყოველთვის სიყვარულით", - წერს მსახიობი პოსტში.

რაც შეეხება შოუს ახალ სეზონს, გალაჰერების უსირცხვილო ოჯახი მეცხრე სეზონით 9 სექტემბერს ბრუნდება, ახალ სეზონში კი ვიხილავთ სერიალ მეგობრების ვარსკვლავ კორტნი კოქსს.