გასული წლის ერთ-ერთი ყველაზე გამორჩეული სერიალი, The Marvelous Mrs. Maisel, მეორე სეზონისთვის ემზადება.

როგორც ცნობიილია, შოუს შემქმნელებმა ახალი ნაწილისთვის მზადება ჯერ კიდევ ოთხი თვის წინ დაიწყეს, გადაღებები კი ოფიციალურად მხოლოდ რამდენიმე დღის წინ დაიწყო.

ჯერ ცნობილი არ არის თუ როდის დაიწყება მეორე სეზონი, თუმცა წინასწარი ინფორმაციით ეს 2018 წლის ბოლოსკენ მოხდება. მართალია წლის ბოლომდე დიდი დროა დარჩენილი, თუმცა გაგახარებთ და გეტყვით, რომ წინა სეზონისგან განსხვავებით, რომელშიც 8 სერია იყო, ახალ ნაწილში 10 ეპიზოდი იქნება. გარდა ამისა, მეორე სეზონის გასვლამდე Amazon-მა შოუს მესამე სეზონიც დაამტკიცა.

შოუს შემქმნელები ამბობენ, რომ სერიალში უფრო მკვეთრად გაკეთდება აქცენტები ქალთა უფლებებზე და აუცილებლად მოხდება #Metoo კამპანიაზე ყურადღების გამახვილებაც.

გარდა ამისა, წინასწარი ინფორმაციით ახალ ნაწილში შესაძლოა ახალი ათწლეულის გამოწვევებსაც გავეცნობით. შოუს შემქმნელი, ემი შერმან-პალადინო ამბობს, რომ 50-იანი და 60-იანი წლების მოძრაობები ახალ ნაწილშიც დიდ გავლენას მოახდეს მთავარი პერსონაჟის მოქმედებებსა და ცხოვრებაზე.

ჯერ დადასტურებული არ არის, თუმცა როგორც უცხოური მედია წერს, მთავარი პერსონაჟი, მიდჯ მეიზელი ან ახალ სამსახურს იწყებს, ან ძველ სამსახურში აწინაურებენ.

კიდევ ერთი სიახლე, მეიზელის აგენტს, სუზი მეირსონს ეხება, რომელიც ახალ სეზონში ნამდვილ სიყვარულს იპოვის. თუმცა, შესაძლოა ამან მას ყველაზე დიდი გულისტკივილი მოუტანოს.

რა თქმა უნდა სერიალის გამოსვლამდე მის შესახებ ახალ-ახალი დეტალები გახდება ცნობილი, ჩვენკი ისღა დაგვრჩენია მეორე სეზონის დაწყებას დაველოდოთ.