ევროპულმა საქართველომ და ერთიანმა ნაციონალურმა მოძრაობამ საპრეზიდენტო არჩევნებისთვის სამპუნქტიან შეთანხმებას მოაწერეს ხელი. დოკუმენტს ფეისბუკზე გიგი უგულავა ავრცელებს.

როგორც უგულავა წერს, დოკუმენტს ხელი ევროპის სახალხო პარტიის (EPP) პრეზიდენტ ჯოზეფ დოულთან ერთად მოაწერეს. ევროპული საქართველოდან დოკუმენტს ხელი მოაწერა გიგი უგულავამ, ხოლო ენმ-დან გიორგი ბარამიძემ.

დოკუმენტის ძირითადი სამი პუნქტი:

  1. მხარს დავუჭერთ მეორე ტურში გასულ ერთმანეთის საპრეზიდენტო კანდიდატებს (რომელიც გავა);
  2. კამპანიის დროს თავს შევიკავებთ ერთმანეთზე შეტევის და კრიტიკისგან;
  3. არჩევნების პირველ და მეორე ტურებში მაქსიმალურად მოვახდენთ ამომრჩევლის მობილიზებას, რადგან არჩევნებია ხელისუფლების შეცვლის გზა.