თბილისის მერის, კახა კალაძის თქმით, თბილისის მიწათსარგებლობის თბილისის გენერალურ გეგმაზე მუშაობა სითი ინსტიტუტმა დაასრულა. კალაძის თქმით, ძირითადი სამუშაოები დასრულებულია და დოკუმენტი მზადაა, რომ განხილვებისთვის საკრებულოში გადაიგზავნოს.

მერის თქმით, ყველა ის "ხარვეზი", რომელიც გენგეგმის პირველ ვარიანტს ჰქონდა, აღმოფხვრილია.

"თბილისის მუნიციპალიტეტისა და პროფესიულ წრეების წარმომადგენელთან დიდი ნაწილის პოზიცია კონცეფციასთან მიმართებაში იყო დადებითი. მაგრამ ის ჯერ კიდევ არ იყო გამყარებული, სრულყოფილი, აღსრულებადი დოკუმენტი. ჩვენ არაერთი შენიშვნა გვქონდა ამ დოკუმენტში მოყვანილი მოსაზრებების განხორციელების გზებზე, ეტაპებზე, საკუთრების საკითხებზე, რუკის დახვეწაზე, ზონირების საკითხია კანონმდებლობასთან შესაბამისობაში მოყვანაზე და არაერთ სხვა საკითხზე", - განაცხადა კალაძემ.

აპრილში რამდენიმე დღის განმავლობაში თბილისის მერია და სითი ინსტიტუტი თბილისის გენგეგმის პრეზენტაციას მართავდნენ. თბილისის მერიას შემუშავებული დოკუმენტი არ მოსწონდა და მიაჩნდა, რომ მისი მიღება არ შეიძლებოდა. საწინააღმდეგო აზრი ჰქონდათ გენგეგმის ავტორებს.