თბილისში ცხოველთა კვებისთვის განკუთვნილი აპარატები დამონტაჟდება. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

მისი თქმით, პროექტის განხორციელება მიმდინარე წელს დასრულდება.

"იდეა ცხოველებზე ზრუნვითაა განპირობებული და დადებითი მხარე აქვს, რომ ცხოველების კვებაში მოქალაქეები ჩაერთვებიან", - განაცხადა კახა კალაძემ.

მერის თქმით, აპარატების მოვლასა და ექსპლუატაციას ცხოველთა სააგენტო უზრუნველყოფს.