თბილისის მერი კახა კალაძე ამბობს, რომ მერია მზადაა საპარკინგე ადგილები დაინტერესებულ პირებს, მათ შორის ნაციონალურ მოძრაობას, სიმბოლურ ფასად, ერთ ლარად გადასცეს. კალაძის თქმით, პარკირების საკითხზე უკვე გამოცხადებულია ინტერესთა გამოხატვა და ორი თვეა დაწესებული დოკუმენტაციის მისაღებად:

"ჩვენ მზად ვართ ერთ ლარად გადავცეთ კონკრეტული გამოყოფილი ადგილი, მინდა ასევე ნაციონალურ მოძრაობას შევთავაზო და ვნახოთ აბა რისი გამკეთებლები არიან".

თბილისის საკრებულომ გეგეშიძის ბაღის, მეტროსადგურ ვარკეთილისა და სადგურის მოედნის მიმდებარე ტერიტორიაზე მრავალდონიანი მიწისქვეშა პარკინგისთვის ქონების ერთ ლარად გასხვისების საკითხს მხარი დაუჭირა.