"ქალი ფანჯარაში" ასე ერქმევა ახალ ფილმს, რომელშიც მთავარ როლს ოსკარის ნომინანტი ემი ადამსი შეასრულებს.

ფილმის სიუჟეტი ძალიან ჰგავს ალფრედ ჰიჩკოკის კლასიკას - "ფანჯარა ეზოს მხარეს", თუმცა ახალი კინოსურათი მისი რიმეიქი არ იქნება და ეი ჯეი ფინის რომანს დაეფუძნება.

ისტორიის ეპიცენტრში ფსიქოლოგი ენ ფოქსია, რომელიც აღმოაჩენს, რომ აგორაფობიით [სივრცის შიში] იტანჯება. სწორედ ამიტომ ის რამდენიმე თვე სახლიდან არ გადის, სვამს წამლებსა და ალკოჰოლს. თუმცა ერთ დღესაც მის მეზობლად საზარელ დანაშაულს შეესწრება. საბოლოოდ მისი არავის სჯერა - არც მეზობლებს, არც ოჯახს, არც პოლიციას, სწორედ ამიტომ მისი მთავარი მიზანი ამ დანაშაულის გამოძიება გახდება.

ეი ჯეი ფინის რომანი 2018 წელს გამოვიდა და მალევე გახდა პოპულარული, ავტორი ამბობს, რომ წერის დროს მისი შთაგონების წყარო სწორედ ჰიჩკოკის ფილმი გახდა.