ავტოფარეხის ადგილას პირველი სკვერი წერეთლის 93 ნომერში მოეწყობა. ამის შესახებ On.ge-ს თბილისის მერიის პრესსამსახურის უფროსმა მანანა თოქმაჯიშვილმა განუცხადა.

მისი თქმით, წერეთლის 93 ნომერში, მესაკუთრეთა სურვილით, 5 ავტოფარეხის დემონტაჟი დაიწყო.

"რაიონის გამგებლები აწარმოებენ მოლაპარაკებებს მოსახლეობასთან და როგორც ვიცით, რამდენიმე ადგილას შეთანხმება მიღწეულია და პროცესი გრძელდება", - ამბობს მანანა თოქმაჯიშვილი.

თბილისის მერიამ, დედაქალაქის მოსახლეობას ძველი ავტოფარეხების ადგილას მწვანე სივრცეების მოწყობა შესთავაზა. ამის შესახებ კახა კალაძემ თბილისის მთავრობის სხდომაზე განაცხადა.

კალაძე პროექტის განხორციელებას მხოლოდ მოსახლეობის სურვილის შემთხვევაში გეგმავს.