მოსკოვის კინოფესტივალის პრეზიდენტმა, ნიკიტა მიხალკოვმა თქვა, რომ აპირებს ჰოლივუდიდან გაძევებულ პროდიუსერ ჰარვი ვაინშტაინს, რომელსაც ასამდე ქალი სექსუალურ შევიწროებასა და თანამდებობის ბოროტად გამოყენებაში ადანაშაულებს, საპატიო ჯილდო გადასცეს.

"ის დიდებული ადამიანი და პროდიუერია, სხვა ყველაფერს რომ თავი დავანებოთ, ჰარვის 100-ზე მეტი ოსკარის ნომინაცია აქვს და ეს საკმარისია. ჯერ გადაწყვეტილება საბოლოოდ არ მიგვიღია, საბოლოო განხილვა მალე გვექნება და გადაწყვეტილებასაც შემდეგ მივიღებთ", - ამბობს ნიკიტა მიხალკოვი.

შეგახსენებთ, რომ ვაინშტაინის საქმე ჰოლივუდის ერთ-ერთი უდიდესი სკანდალია. ის ასამდე ქალმა დაადანაშაულა სექსუალურ შევიწროებაში, თავდასხმასა და გაუპატიურებაში. მის საქმეს ლოს-ანჯელესის, ბევრლი ჰილზის, ნიუ-იორკისა და ლონდონის პოლიცია იძიებს.