რეჟისორი ლუკა გუადანინომ, ცოტა ხნის წინ დაადასტურა, რომ ოსკარისა და ოქროს გლობუსის ნომინანტი ფილმის Call Me by Your Name-ის მეორე ნაწილის გადაიღებს.

როგორც გუადანინო ყვება, ფილმის სცენარი ზუსტად იმ პერიოდში ვითარდება, როდესაც მსოფლიოში შიდსის ეპიდემიამ უმაღლეს ნიშნულს მიაღწია. შესაბამისად მეორე ნაწილში ყურადღება სწორედ ამ თემას დაეთმობა.

"ელიოს პერსონაჟი სინეფილია, ძალიან მინდა ეს გმირი კინოთეატრში ვნახო, როდესაც ის 1988 წელს გადაღებულ ფილმ Once More-ს უყურებს. ეს იყო პირველი ფრანგული ფილმი, სადაც შიდსის თემას შეეხნენ. შესაძლოა სწორედ ეს იყოს ფილმის გაგრძელების პირველი სცენა", - ყვება რეჟისორი.

ახლახან, მთავარი როლის შემსრულებლებმა ტიმოთი შალამემ და არმი ჰამერმა დაადასტურეს, რომ Call Me by Your Name-ის მეორე ნაწილშიც ითამაშებენ.

ფილმის პირველი ნაწილის სიუჟტი 1983 წლის ზაფხულში, იტალიის ერთ-ერთ რეგიონში ვითარდება. 17 წლის, ელიო, ოჯახთან ერთად, თავის მე-17 საუკუნის ვილაში ცხოვრობს, სადაც ის ამერიკიდან ჩამოსულ დოქტორანტ ოლივერს გაიცნობს, რომელიც ელიოს მამასთან მუშაობს. მზით გაბრწყინებულ გარემოში ელიო და ოლივერი ზაფხულის განმავლობაში ერთმანეთის მიმართ მძაფრი ლტოლვის გაღვიძებას აღმოაჩენენ, რაც სამუდამოდ შეცვლის მათ ცხოვრებას.

რაც შეეხება მეორე ნაწილს, ფილმის გამოსვლის თარიღად 2021 წელი სახელდება.