წლევანდელი ოსკარის ტრიუმფატორ, გარი ოლდმანს ყოფილი ცოლი დონია ფიორენტინო ფიზიკურ ძალადობაში ადანაშაულებს.

დონია გარის მესმე ცოლი 1997-2001 წლებში იყო.

ფიორენტინო ამერიკის კინოაკადემიის მიერ მსახიობისთვის ოსკარის გადაცემას აპროტესტებს და ყვება, რომ ოლდმანმა მისი დახრჩობა სცადა.

"911-ში დარეკვას ვცდილობდი, გარიმ ყურმილი წამართვა და სახეში რამდენჯნერმე ჩამარტყა. ეს ძალიან დიდი ხნის წინ მოხდა, თუმცა ტრამვა დღემდე მომყვება, რადგან ეს ყველაფერი ბავშვების თანდასწრებით ხდებოდა", - ყვება დონია.

გარდა ამისა, ოლდმანის ყოფილი ცოლი გარის ალკოჰოლთან და აზარტულ თამაშებთან დამოკიდებულებასაც იხსენებს:

"$10-20 ათასი დოლარი მიჰქონდა და რამდენიმიმე საათში ხელცარიელი ბრუნდებოდა, სულ თამაშობდა, ხანდახან რამდენიმე დღეც კი იკარგებოდა. გამუდმებით სვამდა, შემდეგ კი სახლში ყველას გვეჩხუბებოდა", - ყვება ფიორენტინო.

დონიასგან განსხვავებული მოსაზრებები აქვს მის შვილს, გულივერს, რომელიც ამ ინციდენტის დროს სამი წლის იყო და ამბობს რომ მამამისი, გარი მისთვის ნამდვილი გმირი და მისაბაძი მაგალითია.

"ვერ ვხვდები ეს ყველაფერი აქამდე როგორ მივიდა. ინციდენტის დროს იქ ვიყავი და მინდა ყველაფერს ნათელი მოვფინო - არაფერი მსგავსი არ მომხდარა და ვინც ამას ამბობს, ტყუის. საშინელებაა, როდესაც ვისმენ ასეთ არასწორ და მძიმე ბრალდებებს მამაჩემის წინააღმდეგ, რომელიც ყველაზე კეთილი და მზრუნველი ადამიანია, რომელსაც ოდესმე შევხვედრილვარ. გთხოვთ, შეწყვიტეთ ამ სიცრუის ტირაჟირება, ამაზე წერა და მისი გავრცელება", - ამბობს გულივერი.