2018 წელს, თბილისის ისტორიული უბნების რეაბილითაციისთვის 62 მილიონი ლარი გამოიყოფა. ამის შესახებ დედაქალაქის მერმა, კახა კალაძემ დღეს გამართულ მთავრობის სხდომაზე განაცხადა.

კალაძის თქმით, წელს დაგეგმილია გუდიაშვილის მოედნის, მშრალი ხიდის და მისი მიმდებარე ტერიტორიის სრული რეაბილიტაცია:

"მგონია, რომ ზოგადად, ძველი თბილისის ისტორიული ნაწილის აღდგენა-რეაბილიტაცია ჩვენი გუნდისთვის, ამ ოთხი წლის განმავლობაში, განსაკუთრებულად მნიშვნელოვანია, რადგან ეს ის სიმდიდრეა, რაც ჩვენს ქალაქს გააჩნია და რომელსაც მოვლა-პატრონობა სჭირდება."

კალაძემ 2018 წლის პრიორიტეტულ მიმართულებებად სატრანსპორტო სისტემის განვითარება და თბილისის ისტორიული იერსახის აღდგენა დაასახელა.