ადგილობრივი და საექსპორტო ბაზრებისთვის, საქართველოში, ელექტროავტობუსების ქარხნის აშენება იგეგმება. ინფორმაციას ამის შესახებ TV პირველი ავრცელებს.

კომპანია ფრეგობასის წარმომადგენელმა, მურმან პატარაიამ გადაცემა საქმის კურსში განაცხადა, რომ 23 ნოემბერს ხელი მოეწერება მემორანდუმს ჩინურ კომპანიასთან ZTE და გერმანულ Eurobus-თან და საფუძველი ჩაეყრება საწარმოს მშენებლობას. მისივე თქმით, კონკრეტულ ვადებთან და სხვა საკითხებთან დაკავშირებული დეტალები სწორედ 23 ნოემბერს გახდება ცნობილი.

პატარაიას განცხადებით, პროექტში რამდენიმე ასეული ადგილობრივი დასაქმდება, რომლებსაც გადაამზადებენ. მისივე თქმით, პროექტის მიზანი ევროპული ბაზრისთვის საწარმოს შექმნაა.