ბერი ნიკოლოზის მრევლი, მალხაზ ჯინორია, სოციალურ ქსელში ბერი ნიკოლოზის დაკრძალვასთან დაკავშირებით ინფორმაციას ავრცელებს.

მისი ცნობით, ბერ ნიკოლოზს 23 აპრილს, 14:00 საათზე, დაკრძალავენ.

"ბერი ნიკოლოზის გასვენება იქნება ხუთშაბათს ორ საათზე უნივერსიტეტის 6ა, ჰერმესი, რიტუალების სასახლიდან პანაშვიდები 20, 21, 22 აპრილი. დაკრძალვა ჯიქიას სასაფლაოზე", — განაცხადა ჯინორიამ.

შეგახსენებთ, ბერი ნიკოლოზ (ნარიმანი) მაქარაშვილი საცხოვრებელ სახლში გარდაცვლილი 19 აპრილს იპოვეს. შინაგან საქმეთა სამინისტრომ NEWS.On.ge-ს განუცხადა, რომ გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს.