NATO-ს გენერალურმა მდივანმა, მარკ რუტემ განაცხადა, რომ რუსეთს, დასავლეთის მიერ უკრაინაში ჯარების განთავსებისთვის, ვეტოს დადების უფლება არ აქვს. ამის შესახებ ინფორმაციას Le monde ავრცელებს.

"რატომ უნდა გვაინტერესებდეს, რას ფიქრობს რუსეთი უკრაინაში ჯარების განთავსებაზე? ეს სუვერენული ქვეყანაა. ეს მათი გადასაწყვეტი არ არის...რუსეთს აქ არაფერი ესაქმება," — განაცხადა რუტემ.

"ვფიქრობ, ნამდვილად უნდა შევწყვიტოთ პუტინის ზედმეტად ძლიერად წარმოჩენა," — თქვა NATO-ს გენერალურმა მდივანმა რუსეთის პრეზიდენტ ვლადიმერ პუტინზე საუბრისას.

ცნობისთვის, "მსურველთა კოალიციის" ლიდერები, რომელსაც საფრანგეთი და დიდი ბრიტანეთი ხელმძღვანელობენ, უსაფრთხოების გარანტიებში საკუთარი წვლილის დაზუსტების მიზნით მოლაპარაკებებს მართავენ.

ემანუელ მაკრონის თქმით, "მსურველთა კოალიცია" უკრაინისთვის მტკიცე უსაფრთხოების გარანტიებს საბოლოოდ შეიმუშავებს