რუსმა ოკუპანტებმა ზაპოროჟიეს დაარტყეს, რასაც 1 ადამიანი ემსხვერპლა, 22 კი დაშავდა. ინფორმაციას უკრაინული მედია ზაპოროჟიეს საოლქო-სამხედრო ადმინისტრაციის ხელმძღვანელზე, ივან ფედოროვზე დაყრდნობით ავრცელებს და წერს, რომ დაშავებულებს შორის 3 ბავშვია.

ივან ფედოროვის ინფორმაციით, "მასიური იერიშის დროს რუსებმა ზაპოროჟიეზე სულ მცირე 12 დარტყმა განახორციელეს". ზაპოროჟიეს საოლქო-სამხედრო ადმინისტრაციის ხელმძღვანელის ცნობითვე, ოკუპანტებმა ოლქის ცენტრს სხვადასხვა ტიპის იარაღით დაარტყეს.

ფედოროვის განცხადებით, ოკუპანტების თავდასხმის შედეგად, 14 საცხოვრებელი კორპუსი და 40-ზე მეტი კერძო სახლი დაზიანდა, ასევე მოსახლეობის ნაწილი ელექტროენერგიის გარეშე დარჩა.

უკრაინის საჰაერო ძალების ინფორმაციით, რუსებმა დრონებისა და რაკეტების გამოყენებით მასიური შეტევა განახორციელეს დნიპროზეც.