"რუსეთის პრეზიდენტ ვლადიმერ პუტინსა და უკრაინის ლიდერ ვოლოდიმირ ზელენსკის შორის შეხვედრა, სავარაუდოდ, არ შედგება," — გერმანული მედიის ცნობით, ამის შესახებ გერმანიის კანცლერმა, ფრიდრიხ მერცმა განაცხადა.

"პრეზიდენტ ზელენსკის და პრეზიდენტ პუტინს შორის შეხვედრა, როგორც ჩანს, არ შედგება — ტრამპსა და პუტინს შორის გასულ კვირას ვაშინგტონში ყოფნისას მიღწეული შეთანხმების მიუხედავად, აშკარაა, რომ ეს არ მოხდება" — განაცხადა მერცმა საფრანგეთში, პრეზიდენტ ემანუელ მაკრონთან შეხვედრამდე.

გერმანიის კანცლერი კიევზე რუსეთის მიერ განხორციელებულ თავდასხმასაც გამოეხმაურა და განაცხადა, რომ "ასეთ უპრეცედენტო თავდასხმას უნდა ვუპასუხოთ".

შეგახსენებთ, შეერთებული შტატების პრეზიდენტი დონალდ ტრამპი უკრაინის პრეზიდენტთან და ევროპელ ლიდერებთან შეხვედრის შემდეგ რუსეთის პრეზიდენტ ვლადიმერ პუტინს ტელეფონით ესაუბრა, რომლის შემდეგაც ტრამპმა საკუთარ სოციალურ ქსელში Truth Social-ში დაწერა, რომ პუტინს, მასსა და პრეზიდენტ ზელენსკის შორის შეხვედრის ორგანიზება დაიწყო.