დღეს სრულმასშტაბიანი ომის 1 276-ე დღეა. უკრაინა რუსეთის წინააღმდეგ დამოუკიდებლობისთვის ომში იმაზე მეტხანს იბრძვის, ვიდრე მსოფლიოში ვინმე ელოდა," — ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელ X-ზე წერს და აღნიშნავს, რომ "ეს უკრაინელი ხალხის პატრიოტიზმისა და ქმედითობის შედეგია".

ცივილიზებული სამყაროს ლიდერი ამბობს, რომ "უკრაინამ უნდა მიაღწიოს თავის მიზნებს და ეს მიზნები სამართლიანია"

"დღეს სრულმასშტაბიანი ომის 1 276-ე დღეა. უკრაინა რუსეთის წინააღმდეგ დამოუკიდებლობისთვის ომში იმაზე მეტხანს იბრძვის, ვიდრე მსოფლიოში ვინმე ელოდა. ეს ჩვენი ხალხის პატრიოტიზმისა და ეფექტურობის შედეგია. ჩვენი მეომრების შედეგი, რომლებიც გმირულად იბრძვიან ჩვენი სახელმწიფოსთვის და ანადგურებენ ოკუპანტს. მადლობელი ვარ თითოეული თქვენგანის, ჩვენი თავდაცვისა და უსაფრთხოების ძალების, იმ ძალისთვის, რომელსაც უკრაინას სთავაზობთ და ყველა შედეგისთვის, რომელსაც მიაღწევთ.

უდავოა, რომ ძლიერი და ქმედითი უკრაინული არმია ყველაზე საიმედო უსაფრთხოების გარანტიაა ჩვენი ხალხისთვის. თუმცა, ჩვენ ასევე გვჭირდება უსაფრთხოების ძლიერი გარანტიები ყველასგან, ვინც მშვიდობას ეძებს. ყოველ დღე, შეერთებულ შტატებთან, ევროპასთან და ჩვენს ყველა პარტნიორთან ერთად, ვმუშაობთ უსაფრთხოების უზრუნველსაყოფად. უკრაინამ უნდა მიაღწიოს თავის მიზნებს და ეს მიზნები სამართლიანია: სიცოცხლის დაცვა, დამოუკიდებლობის დაცვა და უკრაინისთვის ღირსეული მშვიდობის უზრუნველყოფა," — წერს ზელენსკი.