თბილისში, დადიანის ქუჩაზე სარეაბილიტაციო სამუშაოების პროცესში საინტერესო ოთახი აღმოაჩინეს.

ტფილისის ჰამქრის ინფორმაციით, პირველი სართულის იატაკის აყრისას გამოჩნდა სივრცე, რომელიც ე.წ. მაცივარს წარმოადგენს. ორგანიზაციის ინფორმაციით, ასეთი ტიპის სათავსოები თბილისური სახლებისთვის იყო დამახასიათებელი და მასში მოსახლეობა პროდუქტებს ინახავდა.

"იმედი გვაქვს, რომ ამ ნაგებობის სიძველიდან (შესაძლოა ის შენობაზე ადრინდელია) და მნიშვნელობიდან გამომდინარე, პროექტის კორექტირების საფუძველზე მოხდება მისი კონსერვაცია და შენარჩუნება" - წერია ტფილისის ჰამქრის განცხადებაში.

სამუშაოები თბილისის განვითარების ფონდის დაკვეთით მიმდინარეობს.