კოლუმბიის უნივერსიტეტის სტუდენტმა, გიორგი მჭედლიშვილმა გუნდთან ერთად კომერციული თვითმფრინავის მომავლის მოდელი შექმნა, რომელმაც NASA-ს აერონავტიკის კონკურსში გაიმარჯვა.

გიორგი მჭედლიშვილი ფეისბუქის საკუთარ გვერდზე წერს, რომ კონკურსში, რომელშიც კოლუმბიის კოსმოსური ინიციატივის გუნდმა გაიმარჯვა, მონაწილეობდნენ ამერიკის წამყვანი უნივერსიტეტების, როგორც ბაკალავრის ისე მაგისტრატურის გუნდები:

"ჩვენ მომავალი კომერციული თვითმფრინავის სრულყოფილი მოდელი შევქმენით, რომელიც მოიხმარს ნაკლებ საწვავს, უმნიშვნელოდ აბინძურებს გარემოს და საგრძნობლად ამცირებს გამოწვეულ ხმაურს. საუბარია აღნიშნული მოდელის იმპლემენტაციაზე 2025-2035 წლებში".

მისივე თქმით, კოლუმბიის უნივერსიტეტის გუნდმა აღნიშნულ გამოწვევაში პირველად მიიღო მონაწილეობა. მათი პროექტის პრეზენტაცია NASA-ს სათაო ცენტრში, 26 სექტემბერს გაიმართება.