48 წლის ასაკში გარდაიცვალა ინტელექტკლუბი "რა? სად? როდის?" წევრი ბესიკ ბუთურიშვილი.

ბესიკ ბუთურიშვილი საქართველოს ჩემპიონი 2002, 2003, 2011 და 2015 წლებში გახდა, 2009 წელს კი ტელეკლუბის "ბროლის ბუც" მოიპოვა. 2000-იან წლებში იყო "რა? სად? როდის?" საქართველოს ნაკრების წევრიც. ბოლო წლებში ბესიკ ბუთურიშვილი მწვავე ლეიკოზს ებრძოდა.

"ბესო 26 წლის წინ გავიცანი, ჯერ სტუდენტობისას როცა „რა სად როდის" თამაში დავიწყე ახალგაზრდა მეცნიერთა კლუბში. შემდეგ თითქმის 2 ათწლეულის განმავლობაში ჩვენი გუნდის კაპიტანი იყო, უამრავი გამარჯვება აღვნიშნეთ ერთად საქართველოს თუ თბილისის ჩემპიონატებზე, ჩვენი ქვეყნის ღირსებაც დავიცავით ნაკრებში და ბევრი სხვა თავგადასავალიც გადაგვხვდა ამ წლების განმავლობაში.

ბოლო პერიოდი მძიმე ავადმყოფობას ებრძოდა და გარშემო ყველას დიდი იმედი გვქონდა რომ მოერეოდა. პრინციპული და ძალიან დადებითი ადამიანი, 3 შვილის მამა, საუკეთესო მეგობარი, მოაზროვნე და მოქალაქე უდროოდ დავკარგეთ...", — წერს მოაზროვნე ილია რევია.