CNN-ის ინფორმაციით, ბაიდენის ადმინისტრაცია შიშობს, რომ ჰეზბოლას ლიდერ ჰასან ნასრალას მკვლელობის შემდეგ, შესაძლოა ირანმა თავდასხმა განახორციელოს ისრაელზე. ამ ეტაპზე ისრაელის თავდაცვის ძალების გაძლიერების საკითხი განიხილება.

მედიის თქმით არის ვარაუდი, რომ ახლო აღმოსავლეთში რეგიონული და მეტად ფართომასშტაბიანი ომი გაჩაღდება. ბოლო კვირების განმავლობაში ინტენსიურად მიმდინარეობდა ისრაელის მხრიდან ლიბანის ჰეზბოლაზე თავდასხმები. ჰასან ნასრალას მკვლელობის შემდეგ, ირანის მხარდამჭერი ჯგუფების ბრძოლა კიდევ უფრო მწვავდება.

"ირანი და მისი მოკავშირეები, ან მისი მარიონეტები გამოიყენებენ ამ მომენტს ამერიკელი მოსახლეობის და ინტერესების მიზანში ამოსაღებად რეგიონში. შეერთებული შტატები მიმართავს ყველა ზომას, რათა საკუთარი ხალხი დაიცვას" — თქვა პენტაგონმა კვირას, განცხადებაში.

ბაიდენის ადმინისტრაციის წარმომადგენლები ცეცხლის შეწყვეტის გადაწყვეტილებაზე მუშაობენ, თუმცა ისრაელის პრემიერ-მინისტრმა ბენიამინ ნეთანიაჰუმ თქვა, რომ ისრაელის ძალები ლიბანის დარბევას კვლავ გააგრძელებენ.