2017 წლის 29 სექტემბერს ეკრანზე ნეტფლიქსის ახალი დრამა Our Souls at Night გამოვა, სადაც ფონდა-რედფორდის წყვილი 37 წლის შემდეგ კვლავ ერთად გამოჩნდება.

კინოსურათი კენტ ჰერუფის 2015 წლის რომანის ეკრანიზაციაა და ის ორი ქვრივის ისტორიას მოგვითხრობს, რომლებიც წლებია ერთმანეთის გვერდით ცხოვრობენ და ნელ-ნელა ერთმანეთის გაცნობას იწყებენ.

ორმა ლეგენდარულმა მსახიობმა ჯეინ ფონდამ და რობერტ რედფორდმა ერთად პირველად 50 წლის წინ ითამაშეს. ეკრანული წყვილის პოპულარობამ ყველა მოლოდინს გადააჭარბა და მოგვიანებით 1979 წელს კვლავ პარტნიორები იყვნენ სიდნი პოლაკის ფილმში The Electric Horseman.