მიგრაციის დეპარტამენტის და სასაზღვრო პოლიციის თანამშრომლებმა, ნიგერიის, ერაყის, პაკისტანის, თურქეთის და ეგვიპტის 5 მოქალაქე დააკავეს.

შსს-ს ცნობით, დაკავებული პირები საქართველოში სამართლებრივი საფუძვლის გარეშე იმყოფებოდნენ. მათ არ ისარგებლეს გაძევების გადაწყვეტილების განსაზღვრული ვადებით, რაც ქვეყნის ნებაყოფლობით დატოვებას გულისხმობს, რაზეც ისინი დააკავეს.

ამ დროისთვის, დაკავებულები მიგრაციის დეპარტამენტის დროებით განთავსების ცენტრში არიან მოთავსებული. მათ თავიანთ ქვეყნებში დააბრუნებენ.