რუსეთში, ვოლგოგრადის ოლქში მდებარე N19 მკაცრი რეჟიმის კოლონიაში, რამდენიმე პატიმარმა ბუნტი მოაწყო და ციხის თანამშრომლები მძევლად აიყვანა, — ამის შესახებ რუსული მედია წერს.

გავრცელებული ინფორმაციით, მსჯავრდადებულებმა მძევლები მაშინ აიყვანეს, როცა ციხეში დისციპლინარული კომისიის სხდომა მიმდინარეობდა. ციხის ერთ-ერთი თანამშრომელი მოკლულია, ხოლო რამდენიმე კი - დაჭრილი. ადგილზე მობილიზებულია სპეცდანიშნულების რაზმი.

მკაცრი რეჟიმის კოლონია N19 ვოლგოგრადის ოლქის ქალაქ სუროვიკინოში მდებარეობს. ის 1 200-ზე მეტ პატიმარზეა გათვლილი.