მოკლედ: შეხვედრა პრემიერ მინისტრსა და სამ ელჩს შორის დასრულდა.

  • ინფორმაციას მთავრობის პრესსამსახური ავრცელებს.

დეტალები: მათი ცნობით, აშშ-ის ელჩთან რობინ დანიგანთან, ევროკავშირის ელჩთან — პაველ ჰერჩინსკისთან და ბრიტანეთის ელჩთან, მარკ კლეიტონთან შეხვედრაზე უცხოური გავლენის გამჭვირვალობის შესახებ კანონპროექტი განიხილეს.

  • ირაკლი კობახიძემ, ადმინისტრაციის ინფორმაციით, კვლავ უთხრა ელჩებს, რომ კანონი "სრულად შეესაბამება ყველა ძირითად სამართლებრივ პრინციპს და ის ემსახურება ერთადერთ მიზანს − არასამთავრობო ორგანიზაციებისა და შესაბამისი მედიასაშუალებების ფინანსების ყოველწლიურ გასაჯაროებას".

ასევე, კობახიძის თქმით, ელჩებს კიდევ ერთხელ შესთავაზა კანონთან დაკავშირებით ღია დისკუსია, "რათა ქართულ საზოგადოებას და საქართველოს მეგობრებს არცერთი კითხვის ნიშანი არ დარჩეთ".

დიპლომატიურ უწყებებში შეხვედრის შესახებ კომენტარს არ აკეთებენ.

პარტია ახალის ერთ-ერთმა ლიდერმა, ნიკა გვარამიამ, შეხვედრის დაწყებისას დაწერა, რომ ეს იყო "დასავლური დემარში" და ელჩებმა კობახიძესთან საპროტესტო ნოტა მიიტანეს.

ბოლო ხაზი: ირაკლი კობახიძემ ელჩები გუშინ დებატებში გამოიწვია.

  • "ვთავაზობ ამერიკის შეერთებული შტატების, ევროკავშირის და ევროკავშირის წევრი ქვეყნების ელჩებს, გავმართოთ საჯარო დისკუსია ამ კანონპროექტის შესახებ", — თქვა კობახიძემ.

ასევე, ნახეთ: გერმანიის ელჩი შესაძლოა, "გადაუდებელი საქმის" გამო, გერმანიაში გაემგზავროს — რა ვიცით