დეტალები: თბილისის ოპერისა და ბალეტის თეატრის თანამშრომლები მესამე დღეა გაფიცულები არიან.

  • ისინი ხელფასების 100%-იან ზრდასა და ორი გათავისუფლებული თანამშრომლის აღდგენას მოითხოვენ.
  • ამ მოთხოვნებით, გაფიცული თანამშრომლები დღეს, 5 ნოემბერს, საპროტესტო აქციას გამართავენ.
  • აქცია 16:00 საათზე, თეატრის წინ დაიწყება.

რა ხდება: თბილისის ოპერისა და ბალეტის თეატრის ტექნიკური პერსონალი 3 ნოემბერს გაიფიცა.

  • ამის შესახებ ინფორმაცია მეცნიერების, განათლებისა და კულტურის პროფკავშირმა გაავრცელა.
  • გაფიცულთა მთავარი მოთხოვნა ხელფასების მატებაა.
  • მათი განცხადებით, მიუხედავად სამუშაო მოცულების ინტენსიური ზრდისა, ხელფასები მიზერულია და მისი რაოდენობა წლების განმავლობაში არ შეცვლილა.
  • პროფკავშირი წერს, რომ ანაზღაურება, დაახლოებით, 500 ლარია.