უკრაინის გენშტაბის ინფორმაციით, ღამით რუსულმა არმიამ უკრაინის მიმართულებით 38 კამიკაძე დრონი გაუშვა, ასევე, ერთი საავიაციო ფრთოსანი რაკეტა Х-59.

  • უწყებაში ამბობენ, რომ რაკეტა და 24 დრონი საჰაერო თავდაცვის სისტემამ გაანადგურა.
  • რა შედეგი მოჰყვა დანარჩენი 14 დრონის ჩამოვარდნას, გენშტაბს არ უთქვამს.
  • "ამ ტერორისტული თავდასხმის შედეგებზე, დეტალები ახლა ზუსტდება," - ნათქვამია მათ განცხადებაში.

ღამე განხორციელებული შეტევის შედეგებზე მხოლოდ ხარკივის ოლქის ხელისუფლებაში ისაუბრეს, მათი ცნობით, ოლქსა და მიმდებარე ტერიტორიაზე არის დანგრეული შენობები, იყო ხანძრებიც, თუმცა დაშავებულების შესახებ ინფორმაცია, ჯერჯერობით, არ აქვთ.

  • გარდა ხარკივისა, დრონებით თავდასხმა განხორციელდა ოდესისა და ლვივის ოლქებზეც.